::::: بلغــــــوه:::::
بلغوه اني هويته رؤيته لي يوم عيد
بلغوه اني احبه مستحيل اني اخدعه
هو حياتي هو بدمي ساكنٍ وسط الوريد
ما احب احد كحبه ان نثرني اجمعه
يا حروف الشعر جودي اعزفي احلى نشيد
جددي بالشعر حبه اعلني عن موقعه
لاجل حبه صرت شاعر انظم ابيات القصيد
منيتي احيا بقربه منيتي ابقى معه
قلت له مليون مره لك حبيبي ما تريد
بس اقرب من فؤادي نبض قلبي اسمعه
شوف كم نبضه بأسمك لا تكن قاسي عنيد
السعادة لو بدونك مالها بقلبي سعه
بو جمال قلك ترفق منيته تبقى سعيد
كم بدمعه قد تغرق ليش ما شفت ادمعه
ياروائع صار قلبه قاسيٍ مثل الحديد
والقسم لو غاب عني عام ما قط اقطعه
باوصله واواصله لو صد حتى من بعيد
مستحيل اني انا انـــساه لا ولا حتى انزعه
ان قتلني طول بعده صرت في حبه شهيد
وان وصلني بعد هجره في فؤادي ارفعه
يا روائع في النهاية السلام مني اكيد
للجميع مني تحيه الورود مرصعه
ابو جمال معوضه
إرسال تعليق